💙🌹Audio & Video🌹💙


کیوں بھلا بیکار کی باتیں کریں
ہر گھڑی سرکار کی باتیں کریں

سیّدِ ابرار کی باتیں کریں
واقفِ اصرار کی باتیں کریں

والضحٰی والیل پڑھ صبح و شام
گیسؤ رخسار کی باتیں کریں

ہم نے دیکھیں ہیں بیابانِ عرب
کیسے لالہ زار کی باتیں کریں

جن پاکی کا بیان قرآں میں
شہہ کے گھر بار کی باتیں کریں

جس جگہ سائل نہ لوٹے نامراد
اس سخی گھر بار کی باتیں کریں

گرمیٔ محشر سے بچنا ہو اگر
دعوتِ سرکار کی باتیں کریں

جو لکھے احمد رضا نے اے عبید
آؤ ان اشعار کی باتیں کریں